Diaranson pa mas o menos 10:15 di mainta, central ta wordo notifica via di Polis Maritimo cu lo tin un curpa sin bida riba e rif dilanti waf Oranjestad.
E prome informa ta indica un yate lo a pasa y a wak un curpa riba e rif. E personal di e yate a tuma contacto cu Polis y di biaha polis maritimo a mobilisa na e sitio di e sucedido na unda en berdad a topa cu un curpa sin bida di un homber, segun polis a informa mediante un comunicado di prensa.
A avisa dokter forensico, Polis forensico, slachtofferhulp y Altocomisario di polis sr.Arnhem tambe tabata presente
Na prome instante no por a identifica e curpa sin bida. Despues di investigacion a bin resulta cu ta trata di e homber N.T. di nacionalidad Mericano di 62 aña. E tabata nabega cu su boto di bela.
Departamento di slachtoffer hulp a tuma contacto cu consulado como tambe famia di e defunto.
Cuerpo policial y Bon Dia Aruba ta manda palabra di profundo condolencia na famia di e fayecido.
