Durante un ceremonia virtual ayera, dia 28 di april, e CEO/ Managing Director di tur seis aeropuerto comercial den Hulanda Caribense a firma un Acuerdo di Cooperacion cu ta formalisa e Dutch Caribbean Cooperation of Airports, DCCA.
Obhetivo di DCCA ta pa mehora e calidad general di cada aeropuerto individual door di facilita asistencia mutuo y intercambio eficiente di informacion, transferencia di conocemento, intercambio di experticio cu meta di logra economianan di escala riba shete elemento, incluyendo pero no limita na innovacion, sostenibilidad, regulacion, seguridad, retonan di salud pa aeropuerto, respuesta y asistencia di emergencia, conexion aereo y mantencion stabiel y pagabel economicamente sostenibel, infrastructura, y maneho di proyecto (project management).
Den e temponan actual di crisis, durante cual cada aeropuerto ta enfrenta retonan significante, e CEO y Managing Directors di aeropuertonan di Saba, St. Eustatius, St. Maarten, Bonaire, Corsou y Aruba cada un a expresa cu esaki ta duna mas significado ainda na e evento historico aki, y nan tur ta anticipando pa logra e obhetivo expresa ariba a traves di asistencia y colaboracion mutuo.
Durante e ceremonia di firma, e CEO y Managing Directors tambe a expresa nan compromiso pa cuminsa traha riba un road map cu obhetivo di haci region Caribense vanguardista den test y stimulacion di vuelo electrico como e siguiente generacion di aviacion.
