WILLEMTAD – Tin un misterio ta circulando rond di re-alocacion di un fondo miyonario cu originalmente tabata destina pa desaroyo economico. Ta trata miyones riba cuenta di e fundacion Stichting  Economische Ontwikkeling. Na juli 2015 a destitui e fondo, pero informacion riba 78 miyon florin aloca mediante fiancia emiti y deposito riba banco, a sigui cu pregunta.

SEO su meta tabata pa promove y stimula economia. Den cuadro di esaki e fundacion a emiti algun fiansa. Entre nan esun di mas grandi ta desaroyo di e cancha di golf na Santa Barbara den forma di un fiansa balora na 16 miyon dollar, sin cota di interes inclui. Mas aleu e fundacion a fia cen na Kura Hulanda y construccion di e brug na Simpsonbay St. Maarten.  Na februari ultimo, e fundacion a wordo elimina, unda a emiti un boletin cu un saldo positivo a wordo desconta, despues di a paga e.o. creditornan.  A keda un surplus mientras pa e surplus aki, segun e boletin di likidacion tin un plan establece. E suma di e surplus no ta conoci, pero te cu 2015, momento a destitui e fundacion tabatin un cuenta di 27 miyon florin cash mientras un bolsa di fiansa di riba 30 miyon dollar cu e fundacion a fia na e.o. Santa Barbara, Kura Hulanda y algun proyecto mas. Tur e fiansanan aki tabata activa riba balans di e fundacion te cu 2014. Tin chens cu e surplus aki por ta balora na e bolsa di fiansa y e activo riba cuenta di banco cu ta casi 78 miyon florin total.

Ta asina cu minister di Asuntonan Economico Kenneth Gijsbertha, kende a keda di laga investiga e caso, mientras ex presidente di e fundacion no tabata por a duna mucho comentario. Actualmente, tin decision avansa pa manda e bolsa di fiansa y depositonan na Banco pa Korpodeko. Korpodeko su accionista mayo ta gobierno, pero ta keda un entidad priva. E placa cu e fundacion tabatin, tabata procedente di gobierno Antiano y durante reparticion di  bienes, St. Maarten tambe tin claim riba e bolsa miyonario.

E situacion ta uno encargo. Na prome luga, no ta conoci den ki forma e traspaso di e depositonan na banco plus e fiansa a tuma luga. Awor cu gobierno ta den un desekilibrio financiero, no ta conoci tampoco si parlamento ni tampoco hunta di ministerio ta na altura di e eliminacion cu a tuma luga na februari ultimo. Vigilante a por a compronde cu e fundacion a adkiri servicionan di un consultando externo pa duna conseho con pa realoca e activonan pero e decision no ta uno transparente. Ta un hecho cu tanto e fiansa haci na Santa Barbara, cu ta pagando bek, a sali for di fondonan di gobierno mientras e interes riba e fiansa a duna e fundacion ganashi. E fundacion mester tin un cuenta anual cu minister di Economia ta na altura di dje pa por presenta esaki den hunta di minister. Y finalmente, parlamento di Corsou, no a ricibi ningun notificacion den cua forma e 78 miyon florin cu tabata propiedad di gobierno a wordo re-aloca na Korpodeko. Un bolsa di 78 miyon “gratis” riba balans di Korpodeko ta drecha e solvabilidad di e banco considerabel. Pero cu mesun montante aki e capacidad di capital propio di gobierno ta bay den negativo.