(LaRepublica) – Hotel Sheraton, cu un balor di 40 miyon dollar, mester basha abao a traves di municipalidad di Cusco, ken hunto cu Direccion Desconcentrada di Cultura Cusco, lo mester asumi e costo di e destruccion di infrastructura y pone e muraya Inca back.

Un husgado di Corte Superior di Husticia di Cusco, Peru, a ordena cu den un plaso di 30 di habil, Direccion Desconcentrada di Cultura (DCC) di Cusco lo mester realisa un rapport tecnico pa basha abou e hotel Sheraton, un infrastructura ubica na caya Saphy. E documento tambe mester inclui e restitucion di murayanan pre-hispanico cu a destrui ora a cuminsa cu e obranan, cu te awor ta paralisa y valorisa pa 40 miyon dollar.

E resolucion hudicial ta exigi na DDC Cusco y Municipalidad Provincial asumi e gastonan pa basha e hotel abou y pa realisa un otro muraya pre-hispanico Inca e cual a destrui durante e construccion di edificio, cu tambe ta viola e parametro urbanistico di Centro Historico di e Ciudad Imperial.

Karen Rojas, procurador di MPC, a informa cu di acuerdo na e resolucion hudicial 143, emiti 4 di maart ultimo, un bes realisa y presenta e rapport di DDC Cusco, ta bay realisa e proceso di demolicion, “nos ta wardando e rapport cu mester contempla aspectonan tecnico, di presupuesto y con ta bay basha e hotel abou, pa nos por pone di acuerdo cu DDC,” el a bisa.

Tambe el a recorda cu Municipalidad Provincial di Cusco ta comprometi cu e sentencia hudicial, ya cu a otorga e certificado di datonan pa e edificio di infrastructura hotelero na cargo di e compania constructor R&G, cu na aña 2015, a destrui e murayanan di epoca Inca pa haci un structura imponente di Hotel Sheraton.

Representante di Comision di Huristanan di Cusco, Tika Luizar, a considera cu e disposicion di huzgado lo a mester aplica den un menor plaso; sinembargo, a sostene cu e medida reciente ta un bon señal cu ta mustra cu Poder Hudicial ta pone un precedente den relacion cu loke ta trata destruccion di patrimonio.

Di su parti, DDC Cusco, te e fecha no a haci un pronunciacion al respecto, y e plaso a cuminsa for di 4 di maart.

E hotel Sheraton cu ta dispone di nuebe nivel, (7 piso y dos kelder) ta surpasa e caracteristicanan di Plan Maestro di Centro Historico di Cusco, declara patrimonio cultural di humanidad pa Unesco, y su condicion ta bao riesgo.

Tres cas tabata forma parti di Patrimonio Cultural di Nacion, nan tabata casnan di adobe y den nan interior, segun rapport di Contraloria y di DDC, tabatin tres muraya di epoca Inca, elementonan colonial.

Na januari 2011, ora a cuminsa e construccion, compania R&G SAC a kita e murayanan sin percura cu tabata un patrimonio intangible. Na 2017, Contraloria a determina cu evidencianan di epoca Inca y colonial a ser destrui, pa loke e dañonan “ta ireversible.”