(NLTimes)—Polis Hulandes a detene un otro homber sospecha di ta envolvi den e preparacion di e asesinato di Peter R. de Vries despues di basta tempo ta buscando e. E polis a encontra cu Maciej K. na Eindhoven dia 25 di augustus mientras cu nan tabata reportando un otro incidente, segun NU.nl ta reporta a base di un transcripto di e interogacion di e homber.
De Vries a ser asesinato na Amsterdam dia 6 di juli 2021. E reportero di crimen a muri di su heridanan den hospital nuebe dia despues. Segun autoridadnan, Maciej K. tabata den contacto frecuente cu Krystian M., ken supuestamente a yuda organisa e asesinato. K. ta un bon amigo di Konrad W., ken autoridadnan ta kere mester a mata de Vries. K. a dicidi pa no cumpli cu esaki na e ultimo momento, y M. a yama Delano G. pa comete e crimen.
Polis ta sospecha cu K. a introduci su amigo Konrad W. na Krystian M. Historia di yamada ta mustra cu K. tabatin contacto frecuente cu M. e dia prome y riba e dia di e asesinato. E ultimo contacto entre e dos sospechoso tabata 20 minuut despues cu G. supuestamente a tira de Vries pafo di RTL Boulevard studio na Amsterdam. M. a instrui e sospechonan di e asesinato pa bay na e adres di “The Poles” na Rotterdam. Polis ta pensa cu “The Poles” ta W. y K.
Ministerio Publico Hulandes a confirma na NU.nl cu K. a ser deteni pa cuestionamento den conexion cu e caso di de Vries pero a agrega cu no tin suficiente prueba pa proces’e pa e asesinato na e etapa aki. Ainda e ta detencion debi na boetnan grandi.
E caso contra e sospechoso den e asesinato di de Vries ta sigui cu un reunion pre-huicio dia 5 di september. E huicio contra e sospechosonan lo probablemente tuma luga otro aña. Sospechoso Delano G. y chauffeur Kamil E. a haya huicio caba, pero e autoridadnan a detene un sospechoso net prome cu huicio, cual a ser posponi. E corte eventualmente a ordena un rehuicio pasobra un di e huesnan a relocalisa mientras tanto y pa envolvi sospechosonan nobo.
