Pa algun siman caba e ekipo di recherchenan encarga cu investigacion di casonan di atraco ta investigando un keho di prostitutanan den cayanan di San Nicolas.
Varios a bira victima di un atracado, kende tabata horta nan placa. Nan tur tin 4 keho entrega y e descripcion, combina cu version di testigonan tur ta indica den un sospechoso specifico.
Diaranson atardi, despues cu Ministerio Publico a saca un ordo di detencion, un Polis di Bario a bin topa cu e atracado. Na momento cu Polis a top’e, el a core bay. E momento eynan un persecucion a cuminsa, cual a termina exitoso pa e defensornan di ley.
E sospechoso ta permanece encarcela pendiente e investigacion den su contra. Cu esaki Atraco Team ta solucionando un otro caso mas, cual a tuma luga na luna di januari ultimo den cayanan di San Nicolas.
