Diabierna pa 2:45am a tuma luga un accion special di Polisnan uniforma di districto di San Nicolas, yuda pa nan coleganan di districto di Santa Cruz. E accion aki a tuma luga dilanti American Bar na San Nicolas.
Durante e control aki, Polisnan atento, durante listramento, a gara e homber di inicial K.J. cu un revolver 38 “special” den su poder. Ta trata di e mesun homber cu algun dia pasa a logra drenta den cura di Warda di Polis di San Nicolas. A detene mesora y a transport’e pa Warda di Polis, present’e dilanti Fiscal Auxiliar cu a ordena su encarcelacion pendiente di mas investigacion.
Mester menciona cu separa di e arma di candela, Polisnan a haya diferente otro arma blanco mas den poder di esunnan frecuentando den e area. Ta adverti cu e tipo di controlnan asina, den forma sporadico lo continua den e temponan nos dilanti.
Comunicado KPA
