(AP)—Centares di agente policial Serbio a des desplega diasabra riba un area di frontera cu Hungria, unda nan a detene varios hende despues di un tirateo entre migrantenan cu a resulta den tres morto y un herida, segun polis.
Reportahenan di violencia y tirateo a bira comun cerca di e frontera entre Serbia y Hungria. Miles di migrante ta campando den e area, buscando manera pa crusa cu e ayudo di traficantenan di hende.
Minister di asunto interior Bratislav Gasic, ken a bishita e area, a apela cu “nos no ta sigui dilanti akinan te ora cu tur hende responsabel pa cualkier acto criminal ser kita.” Accion policial ta diseña “pa controla inmigracion iregular y aumenta e nivel di siguridad den e parti aki di e pais, unda conflicto entre migrantenan ta frecuente, hopi biaha tambe cu e uzo di arma,” e forsa a bisa den un declaracion.
Polis a bisa cu nan a detene dos persona diasabra for di Kosovo cu ta sospechoso di trafica di migrante y pa suministra nan cu arma. Agentenan tambe a haya 54 paspoort Turco, manera e declaracion a agrega. Diabierna anochi, polis a reporta cu nan a detene cuatro nacional Afghan y dos Turco sospechoso di tin arma y explosivonan ilegal. No tabata inmediatamente claro si un di e personanan deteni lo haya e carga di e tiramento cu a tuma luga mas trempan.
E posibel conflicto entre gruponan di migrante a sosode den warehousenan bandona cerca di e pueblo Horgos. Polis a bisa cu e migrante herida a ricibi ayudo medico y un investigacion ta andante pa establece kico a pasa. E nacionalidadnan di e victimanan y e migrante herida, tambe como otro detayenan, ainda no tabata claro, nan a bisa.
Polis a controla e area y a confisca dos arma automatico y municion. Tambe nan a descubri 79 migrante y a transferi nan na centronan di recepcion, segun e declaracion. E frontera entre Serbia y Hungria ta keda riba e ruta di tera Balcanico di migracion bayendo West Europa, cual ta cana via Turkia, Grecia y Bulgaria, y despues pa Nort Macedonia, Serbia y Bosnia.
E gobierno antimigrante di Hungria a pone cura riba e frontera cu Serbia pa stop e entrada, y a tuma accion contra migrantenan Serbio cu a drenta Hungria. Hende traficante gang, sinembargo, a multiplica den e area di frontera, hopi biaha bringando pa control.
Polis Serbio a controla e zona di frontera riba varios ocasion durante e ultimo shete lunanan, deteniendo hende sospechoso di traficacion y confiscando arma. Presidente Aleksander Vucic a bisa diabierna cu Serbia por trece e ehercito “pa drecha cos,” segun RTS television a reporta.
