Despues di un investigacion cual a inicia na Boneiro, husticia di Corsou a confisca un instalacion di moneda crypto (mining di crypto coins) na un cas den bario Katoentuin na Corsou.
Tambe nan a detene M.C.M.T. (1974) kende ta sospecha di estafa pa hopi tempo un banco na Boneiro. Na e adres Kaya Picaron den e bario Kantoentuin polis a haya hopi articulonan di balor manera oro, holoshi caro, segun informacion di Ministerio Publico (OM) di Corsou.
E instalacion di moneda crypto ta trata di un sistema pa produci y distribui monedanan digital. Ta prome biaha cu a haya un instalacion asina na Corsou, segun OM. Pa desmantela y investiga nan a haya ayudo di expertonan policial di e materia aki.
