A colecta 3,000kg di desperdicio for di region di Mt Everest

Tres mil kilogram di desperdicio solido a wordo colecta for di region di Mt Everest te awo, bou di e Campaña di Limpiesa Sagarmatha. E campaña a cuminsa dia 14 di april ultimo.

Organisando un reunion cu prensa awe den capital di Himalayas, Dandu Raj Ghimire, director general di Departamento di Turismo, a informa cu di e cantidad total di desperdicio cu a colecta te awo, 2,000kg a wordo manda Okhaldhunga, mientras 1,000kg a wordo treci Kathmandu uzando helicopter di armada Nepali.

Algun desperdicio cu por wordo maneha localmente a wordo deshaci den e region di Namche mes. Desperdicio biodegradabel a wordo hiba Okhaldhunga, mientras desperdicio no- degradabel, manera plastic y boter, a ser hiba Kathmandu.

“Nos team awo a yega e Everest Base Camp pa e campaña di limpiesa. Tur cos necesario, manera cuminda, awa y refugio, ya a wordo regla eynan”, Ghimire a bisa, añadiendo cu e team envolvi den e campaa di limpiesa lo ricibi incentivonan tambe. Departamento di Turismo ta calcula cu lo gasta como $330mil den e campaña, y cu lo colecta como 5,000kg di e area di Base Camp, 2,000kg for di region South Col, y 3,000kg for di area Camp II y Camp II.

Ademas, e team a localisa cuatro curpa morto mientras tabata limpia Base Camp. Ghimire a bisa cu e team tambe lo trece e restonan mortal abou for di Everest si nan logra haya algun.

Esaki ta e prome biaha den historia cu tur stakeholder a uni pa limpia e cumbre mas halto di mundo, segun Ghimire.

Ministerio di Cultura, Turismo y Aviacion Civil, Ministerio di Medio Ambiente, Militar Nepali, Associacion Nepali di Mountaineering, Comite di Control di Contaminacion Sagarmatha, Municipalidad Rural di Khumbu Pasang Lhamu, y e Board di Turismo di Nepal ta trahando hunto pa e campaña aki.

Departamento di Turismo a calcula cu sikiera 500 escalado stranhero, y mas di 1,000 staf di sosten lo bishita camponan halto na Mt Everest e temporada aki, mientras nan ta prepara pa subi e cumbre mas halto di mundo, como tambe Mt Lhotse, e di cuater sero mas grandi.

E recordnan di e departamento ta mustra cu mas di 300 escalado stranhero, hunto cu nan staff di sosten, ya caba a bay region di Khumbu pa purba subi Mt Everest y Mt Lhotse. Mayoria di escalado ta haci un esfuerso final pa yega e cumbre e di tres siman di mey.