This satellite image taken by Himawari-8, a Japanese weather satellite, and provided by National Institute of Information and Communications Technology, shows Typhoon Koinu, center, approaching Taiwan Tuesday, Oct. 3, 2023. (Courtesy of National Institute of Information and Communications Technology (NICT) via AP)

(AP)—Vuelonan a ser cancela y scolnan a cera den partinan di Taiwan ayera mientras e isla ta enfrenta bientonan fuerte y yobidanan pisa pa Horcan Koinu.

Al menos 93 vuelo a ser cancela na aeropuertonan riba e isla ayera, segun e Administracion di Aviacion Civil. E Bureau di Waf y Maritimo a bisa cu 96 biahe di ferry a ser cancela. A pronostica anteriormente cu e horcan por causa recalada den e parti zuid-oost di Taiwan durante oranan di anochi of diahuebs mainta, segun meteorologonan.

Ayera yobida di e horcan tabata cayendo den e partinan noord y oost di Taiwan. E islanan costal di Taiwan, esta Penghu, Orchid y Green, a anuncia e ciere di scolnan y oficina den anticipacion di tempo severo causa pa e horcan. Partinan den Pingtung tambe a anuncia algun ciere.

For di e momento di reportahe aki, e horcan tabata moviendo west den direccion di Taiwan cu bientonan di 155 kilometer pa ora diaranson mainta, segun e Bureau di Clima na Taiwan. E Centro Meteorologico Nacional di China a mantene un alerta geel ayera—e tercer nivel mas serio—pa Horcan Koinu. Pronosticonan Chines ta espera bientonan fuerte den areanan costal di e provincianan Zhejiang y Fujian, unda servicionan di ferry a ser suspendi y botonan di pesca a ser yama pa waf.