E Neverland Ranch di Michael Jackson na California a haya un doño nobo den e comerciante biyonario Ron Burkle.
Burkle ta mira e propiedad di 2,700 acre na Los Olivos, cerca di Santa Barbara, como un oportunidad den tereno, segun su vocero a bisa den un email.
Wall Street Journal a reporta cu a bende e propiedad pa $22 miyon na Burkle, un persona asocia cu e strea di pop fayecido, y co-fundado di e compania di inversion Yucaipa Companies.
E prijs solicita pa e propiedad tabata $100 miyon na 2016, despues a cay na $67 miyon un aña despues.
Ademas di un residencia principal di 3,810m2 y un pool house di 113m2, e propiedad ta conta cu un edificio separa cu un cinema di 50 asiento y un studio di baile.
Otro caracteristicanan riba e rancho ta un stacion di train ‘estilo Disney’.
Vocero di Burkle a bisa cu e biyonario tabatin bista riba Zaca Lake – cu ta pega na e propiedad – pa un Soho House nobo, un club solamente pa miembronan cu locacionnan na Los Angeles, Miami, New York y Toronto. Na final Burkle a dicidi cu e ubicacion tabata mucho remoto y caro pa un club.
Despues cu Burkle a mira e propiedad for di aire, el a pone un oferta pa cumpr’e.
