Secretario di Estado Alexandra van Huffelen a ricibi un mensahe di urgencia tocante proteccion di naturalesa na Caribe Hulandes

Dutch Caribbean Nature Alliance (DCNA) na Boneiro a haci uso di e oportunidad pa hala atencion urgentemente pa conservacion di e atraccion grandi di biodiversidad den “Reino Hulandes”. 

E seis islanan di Caribe Hulandes ta conoci pa nan naturalesa bunita y diverso, mientras cu na mes momento e conservacion di nan naturalesa no a haya suficiente dedicacion. E sosten actual di Hulanda ta dirigi principalmente na e islanan BES.

Y como cu naturalesa no conoce frontera, ta di sumo importancia cu Reino ta duna sosten na tur e seis islanan di Caribe Hulandes cu nan plannan y proyectonan di conservacion manera DCNA su plan di accion pa clima na Caribe Hulanda / Dutch Caribbean Climate Action plan. Ta spera cu por haya sosten di Hulanda pa por conserva e naturalesa na e islanan Caribense.