(ElNacional) – Leopoldo Lopez, coordinador nacional di Voluntad Popular, a acusa operador telefonico Movistar di yuda gobierno di Nicolas Maduro door di impone blokeo na medionan di comunicacion y vigila e ciudadanonan.
“E practicanan di censura y spionahe patrocina pa Movistar na Venezuela ta un ehempel di e contradiccionnan di multinacionalnan den regimennan autoritario. Tin un kortsluiting entre loke nan ta bisa nan ta haci y locual nan ta haci en realidad”, el a señala den un mensahe publica riba Twitter.
Un rapport di transparencia a revela cu Movistar, subsidiario di e grupo Spaño Telefonica, a cuadruplica e intervencionnan na numbernan di telefon di ciudadanonan na Venezuela riba peticion di gobierno di Nicolas Maduro.
Segun e rapport di transparencia di e compania, na 2021 tabatin 861.004 solicitud di intervencion. Entre e autoridadnan cu ta haci e peticionnan aki ta encontra e Servicio Bolivariano de Inteligencia Nacional, cu solicitud anterior di Ministerio Publico y autorisacion di un hues.
E solicitudnan a aumenta di manera significativo desde 2018. E aña ey tabatin 639.911, mientras cu na 2016 nan a registra hopi menos: 380.250. Na 2019 nan tabata 651.446 y na 2020, 736.498.
Movistar ademas ta viola libertad di expresion na Venezuela door di mantene blokia e websitenan di medionan di comunicacion, nacional y internacional, cu ta confronta gobierno di Nicolas Maduro.
El Nacional, La Patilla, El Pitazo, Efecto Cocuyo y Cronica Uno ta algun di e medionan censura pa e operador telefonico
