(NLTimes) – Clinicanan cu ta provee cuido psikiatrico manda pa corte como sentencia dicta na criminalnan na luga di manda nan prizon, tambe conoci como Tbs, no tin suficiente espacio pa pashentnan cu ta wardando, cual ta nifica cu e pashentnan ta ser forsa pa keda den prizon normal pa periodonan demasiado largo.
Como resultado di esaki, e pashentnan aki tin derecho na ricibi compensacion y e Gobierno ta esun cu mester paga e pashentnan aki miles di euro den “dañonan” durante e siguiente lunanan, AD a reporta.
Pashentnan di TBs tin derecho na e placa aki despues di 4 luna ta warda den prizon regular pa cuminsa cu nan tratamento. Mirando cu un tempo di espera en averahe prome cu camanan bira disponibel tabata 130 dia na aña 2021, Gobierno ya caba a paga 25,000 euro aña pasa.
Sinembargo, e cantidad aki a aumenta e aña aki na 32,000 euro den e prome 6 luna so, y pashentnan tin derecho na un aumento di e suma aki despues di 6 luna ta warda. Actualmente, 97 pashent ta wardando pa un luga, segun AD.
