(Infobae) – Tormenta tropical Bonnie diabierna ultimo a yega na Nicaragua, cerca di frontera cu Costa Rica, unda poblacionnan a busca refugio debi na posibel dañonan cu e mal tempo por a provoca.
“Centro di Bonnie a toca tera cerca di frontera entre Nicaragua y Costa Rica. Den condicion di tormenta tropical y yobidanan fuerte cu ta wordo comparti entre ambos pais” a bisa e rapport di Centro Nacional di Horcan (CNH) di Merca.
Na e momento ey Bonnie tabata desplasa cu bientonan di hasta 85 kilometer pa ora, e centro a drenta na Nicaragua y lo a disminui su velocidad di avance te diasabra ultimo den oranan di anochi.
E mandatario nicaraguense Daniel Ortega diabierna ultimo a informa cu e localidad mas cercano unda e tormenta lo a haci impacto ta San Juan di Nicaragua, un unda a tuma luga algun evacuacion.
Na Bluefields, un ciudad cu un waf importante cu mas di 600.000 habitante, e ciclon tabata causa yobidanan cu fuerte bientonan, mientras e medidanan di prevencion tabata continua, eynan a instala shelters.
Segun pronosticonan diasabra anochi Bonnie lo a mester sigui na costanan di El Salvador, Guatemala y sur di Mexico entre ayera diadomingo y awe dialuna na unda lo por tuma un forsa mayor.
Na Costa Rica a descarta riesgonan unda casi 700 a ser evacua di manera preventivo.
El Salvador a emiti un alerta berde di observacion anticipando un fortalecemento di bientonan y yobidanan pa Bonnie.
