Siman cu a pasa cerca di 20 polis tabata purba di detene tres muhe pa cana sin top na lama na sur di Buenos Aires. Despues di e polemica aki, e situacion a genera ayera un protesta na Argentina. E polemico situacion cu a pasa na lama a origina un convocatorio pa un marcha na defensa di libertadnan individual y contra discriminacion femenino y sentimento di moral dilanti di desnudez.
E situacion cu a pasa cu tres muhe a wordo hiba dilanti un corte, pasobra un homber a pone un denuncia. Hues Juliano cu tabata na cargo di e caso aki, a dicidi warda e caso pa motibo cu ta un “falta” di poco gravedad, contrario na un delito, y asina mes a solicita mas cuidao di polis. E marcha a sucede na Buenos Aires y otro provincia di Argentina. E protesta cu nan a yama “El Tetazo” a ser convoca riba red socialnan cu slogan manera “nos seno no mester censura, Igualdad” y “E unico seno cu ta molestia ta esun cu no por cumpra”.
Na Argentina no ta prome biaha cu tin un protesta manera El tetazo. Aña cu a pasa miles di persona a marcha na varios ciudad pa protesta pa un caso hopi conoci, unda un muhe a ser expulsa pa “amamanta su yiu riba caminda publico.”
