(NLTimes) – Conseho Hulandes di Salud a haci un yamado pa crea un plan nacional uniforme pa combati desorden alimenticio den un conseho nobo na Gabinete.
Segun e Conseho di Salud, un falta di conocemento tocante desordennan alimenticio, listanan largo di espera y un suministro fragmenta di cuido ta nifica cu actualmente ta tuma un averahe di 4 aña pa ricibi ayudo adecua.
Desorden alimenticio manera entre otro anorexia nervosa, bulimia nervosa, comemento repetitivo ta desordennan psikiatrico cu hopi biaha tin consecuencianan fisico severo, e Conseho di Salud a bisa. Pa e motibo aki, e ta esencial pa e personanan cu tin algun di e desordennan aki ricibi ayudo apropia lihe.
“E Conseho ta recomenda pa prevencion enfoca primeramente riba aumenta e resiliencia mental di e hobennan, entre otro pa medio di mehora nan autoestima y siña nan ocn pa lidia cu rednan social di manera critico y responsabel.”
E Conseho tambe a conseha crea un campaña di conscientisacion. “E ta importante pa e hobennan mes realisa pa nan mes trempan cu nan ta malo y pa e personanan cu ta rond di nan realisa esaki mas lihe. Un bon herment pa tratamento ta di realisa esaki trempan.
Segun Dutch Health Council, e Gobierno mester inverti den investigacion tocante con pa realisa e desordennan aki for di trempan, intervencion efectivo y nan concurencia cu otro malesanan. Tambe ta recomenda un “plan uniforme nacional cual por keda implementa na nivelnan regional y/of municipal.”
