(NLTimes) – Riba diamars, Public Prosecution Service (OM) a demanda un sentencia di bida largo contra Ridouan Taghi den e huicio extenso di e asesinatonan Marengo.
Segun OM, Taghi di 44 aña di edad ta responsabel pa 6 asesinato y 4 intento di asesinato entre otro. “E tabata e cabesante di e organisacion dedica na comete crimen,” e fiscal a bisa. “E tabata e persona cu tabata tuma tur e decisionnan.”
OM tambe a pidi sentencia di bida largo contra otro dos co-acusadonan. Esaki ta concerni e rumannan Mao y Mario R. di 41 y 42 aña, Mohamed R. di 40 aña y Achraf B. di 29 aña. Segun OM, nan tabata involucra den varios asesinato y intento di asesinato, cu un rango halto den Taghi su organisacion. E peticion pa cu e sentencia di otro complice di Taghi, Said R. ken ta ruman di Mohamed R. lo ser haci mas adelante.
Papiando tocante Taghi, e fiscal a bisa cu “tur e lineanan di e diferente asesinatonan ta yega na su persona. E ta tuma tur e decisionnan y nan ta trata bida of morto. Taghi a laga un caminda di dolor y a eherce control y teror total.” Segun e hudiciario, e tabata “particularmente persistente, na momento cu un persona tabata den e lista pa asesina e tabata cumpli cu esaki.” E sentencia cu a pidi contra e otro sospechosonan ta varia di 6 aña te cu 26 aña den prizon.
E hudiciario anteriormente den maart di aña 2018 a anuncia cu e tabatin e testigo clave, Nabil B, ken a bisa cu el a forma parti di Taghi su gang y tabata repenti di esaki. El a haci un serie di declaracionnan contra di su complicenan anterior a cambio di un sentencia reduci. OM a demanda 10 aña den su contra. Menos di un siman despues di e audiencia aki na maart di aña 2018, Reduan a ser asesina. Den september di aña 2019, B. su abogado Derk Wiersum a ser asesina. Despues, den juli di aña pasa Peter R. de Vries a ser asesina despues cu el a actua como consehero y confidente di B.
E 3 asesinatonan aki no ta forma parti di e huicio Marengo.
