(NLTimes) – Maneho di ekipahe (baggage handling) na aeropuerto Schiphol a collapse completamente, segun Hart van Nederland. Cantidad di maleta y stroller ta wordo laga desatendi rond di henter e aeropuerto, algun di nan cu label di vuelo for di comienso di juni.
Schiphol tin dificultad cu escasez di personal, specificamente den seguridad y maneho di ekipahe. E aeropuerto a culpa e caos riba e escasez di personal. “Un interupcion chikito den e schedule di vuelo, den combinacion cu e escasez actual di personal, por ocasiona cu ta laga ekipahe atras. Aerolineanan ta haci nan best pa trece e maletanan back na e pasahero lo mas rapido posible”, e aeropuerto a bisa Hart van Nederland.
E programa a papia cu varios biahero afecta. Michelle a bolbe di vakantie na Gran Canaria riba diabierna nochi. Despues di warda en vano pa su maleta a aparece, el a cuminsa busca ayudo. Eventualmente el a papia cu un agente di aduana, kende casualmente a bis’e: “Scoge un maleta bunita y hib’e cu bo.”
“Nos maletanan no a yega”, Michelle a bisa. “Despues di un espera largo, e reclamo di ekipahe a stop. E ora mi a pensa cu mi mester a reporta esaki. Pero no tabatin ningun persona eynan. Nos a puntra aduana. Nan a bisa: lubida, no tin niun hende eynan. Tabatin tur sorto di maleta riba otro tur caminda. Tabata manera ta den tercer mundo.”
El a bay cas sin su ekipahe y a yama su agencia di biahe, kende a referie na Schiphol, cu a laba man y culpa e maneho di ekipahe. “Mi ta teme cu nunca mi ta bay mira mi ekipahe mas.”
Niels a logra track down su maleta cu algo di suerte. Oranan despues di bolbe for di Grecia, su yiu di tres aña di edad a logra mira su maleta ros cu flor riba dje entre maletanan aparentemente for di Cyprus. Maleta di Niels tabata cerca. “Maleta tur caminda”, el a bisa Hart van Nederland. “Na tur pilar y skina. Nan tin rack cu maleta riba nan. E borchinan di informacion no ta corecto en absoluto. Tur vuelo ta bruha den otro.”
