Corsou ni Sint Maarten no por cuminsa elimina reduccion di salario

(CuraçaoChronicle) – Corsou y Sint Maarten ainda no a haya luz berde pa cuminsa elimina e reduccion di 12.5 porciento riba salario di empleadonan den sector publico. Ainda nan no a bay di acuerdo cu e condicionnan, segun Conseho di Minister ayera.

Aruba si por cuminsa elimina poco poco e reduccion di salario.
Secretario di Estado pa Relacionnan di Reino, Alexandra van Huffelen kier ofrece e islanan CAS e oportunidad pa elimina e reduccion di salario na nan propio ritmo. “Tur hende ta mira cu e costo di bida ta aumentando hopi. Ta tremendo cu Aruba awo ta mira oportunidadnan pa esaki”, Van Huffelen a bisa.

E Secretario di Estado ta spera cu Corsou y Sint Maarten pronto tambe ta bay tuma stapnan pa elimina poco poco e reduccion di salario. Pa no mester warda te cu e proximo Conseho di Minister di Reino den berano, Secretario di Estado Van Huffelen y minister di Finanzas ta autorisa pa evalua si a cumpli cu e condicionnan y tuma un decision riba esaki.