Lider di partido Curpa Eric Ras: Maniobranan di gobierno tin como meta pa crea chaos pa sigui na poder

Minister Geoffrey Wever a expresa recientemente cu luna di juni ta “luna di orguyo “. Como minister e ta encarga cu e Desaroyo Sostenibel y realisacion di e sustainable Deveolpments Goals di agenda 2030 di Nacionnan Uni.

E mandatario ta sigui relata cu un desaroyo economico sostenibel ta rekeri un crecemento economico den harmonia cu calidad di bida di nos hendenan y proteccion di naturalesa. Den diferente artriculo nos di partido CURPA a adverti contra e mesun Foro Economico Mundial (FEM) di Nacionanan Uni aki. FEM ta proclama e lema cu ta bisa: Lo bo no tin nada y lo bo ta feliz.

Pueblo habri wowo hancho paso gobierno lo bay traci di propiedadnan y laga bo sin nada. Mira kico a pasa na Boneiro caminda cu nan grandinan mester biba di $500,= di pensioen y nan a hisa belasting riba tur cos. E Bonerianonan a hayanan obliga di bende nan propiedad. Asina kier papia di bida di calidad y biba den harmonia?

Aruba ta den un crisis pisa y nos gobierno ta sinta man cruza y parce nos no sa unda solo ta sali ni unda e ta baha. No por tin harmonia si nos pueblo tin cu lanta mainta sin tin un pan riba mesa pa nan por come. Muchanan ta bay school stoma bashi. Nos grandinan ta biba di un solo pensioen y nan placa no ta yega pa tin cuminda riba mesa corda pa paga awa, corriente y ainda kier pusha nan cu un eigenbijdrage di AZV. Ni esnan cu ta gana minimumloon por sobrevivi awendia cu un costo di bida asina halto. Hendenan no tin trabao y riba dje kier duna stranhero trabao riba nos localnan.

Union Europeo a kita derecho di e ciudadano pa locual cu ta trata referendum. Nos por a mira con Union Europeo ta wordo goberna pa hendenan cu ta dicidi dictatorialmente riba paisnan cu ta forma parti di Union Europeo.

Nos por mira cu p’esey na 2015 premier Rutte a firma un acuerdo na Nacionnan Uni y asina mara Hulanda na un contract. E tempo ey nos prome minister Eman tambe tabata den e conferencia. Ya for di e tempo ey Hulanda a pusha e agenda 2030. Minpres Wever Croes tambe a firma dia 17 di december 2020 e Common Trust Network di World Economic Forum.

Esaki ta e motibo cu gobierno hulandes ta laga nos gobierno hinca nos den un pos di debe pa asina tuma Aruba completamente over. Bo ta mira cu e lema ta papia pa su mes: “Lo bo no tin nada y lo bo ta feliz”. Pueblo di Aruba esaki ta e momento pa nos lanta para y bisa gobierno te aki bo ta yega.

E agenda 2030 tin un solo proposito y esey ta pa dividi pueblo y kibra harmonia y pone e pueblo contra otro pa asina logra nan meta. Gobierno no ta respeta mayoria pero den tempo di campaña ta usa hende pa gana votonan paso despues cu nan ta sinta den gobierno ta schop e pueblo y laganan pasa manera ciudadano di segundo categoria. E voto ta importante solamente ora di eleccion despues bo lo haya un schop. For di 2017 differente partidonan politico a haci uso di Cristian pa convenencia politico na nan beneficio.

Nos di partido Curpa ta e unico partido politico cu ta para y keda firme contra leynan contra di nos creador.. E crisis mundial lo bay affecta nos tur aki na Aruba. No bisa cu nos tin inflacion ta bow di 10% sino e ta mas cu 50% ta bay caba. Pueblo di Aruba tene duro paso e aña nos dilanti lo bay ta mas pisa.