Embahador di Colombia na Washington, Juan Carlos Pinzon a papia cu secretario di siguridad nacional di Merca, y el a sigura cu no ta existi ningun limitacion pa Colombianonan por bay pa Merca. Dia tras dia ta mas preocupante con usuario ta maneha rednan social, ora cu nan ta publica informacion falso, cu ta alerta ciudadanonan comun, cu ta kere cu tur informacion riba rednan social manera de Twitter, Facebook of cadena na Whatsapp, ta berdad.
Den ultimo ora a cuminsa e circulacion di informacion tocante restriccion nobo pa Colombianonan cu kier biaha pa Merca, despues cu Donald Trump a sinta na poder di presidencia di Merca. Informacion a sigura cu Colombia ta e di dos pais cu mas restriccion pa drenta na Merca.
Tur cos ta falso. Embahador di Colombia na Washington, Juan Carlos Pinzón a bisa cu no ta berdad, despues cu el a papia cu John Kelly, secretario di Siguridad Nacional di Merca. Kelly a bisa cu e informacion tocante inclusion di Colombia den lista nobo, ta falso tambe. Contrario na informacion aki, secretario a indica cu Colombia ta un pais clave pa Merca, pa tal motibo nan ta spera cu por avansa, caminda pa mehora relacion entre ambos paisnan.
Pero un cos cu si ta berdad ta tocante cu embahada di Merca na Colombia a informa cu gobierno di Merca a firma un decreto, pa cambia algun proceso di solicitud di visa di turismo pa tur pais, y entre nan ta Colombia, pa siman cu ta cuminsa awo. Entre cambionan cu nan ta modifica ta tocante “e proceso pa visa na Colombia”. Tur Colombiano cu kier renoba nan visa mester inicia e proceso den 12 luna prome cu dia di caduca. Nan a cambia e tempo di renobacion di 4 aña pa 12 luna.
Nan a introduci tambe posibilidad cu si agente di migracion kier un entrevista nobo, anto autoridad di consulado por solicita e entrevista aki.
Tocante chekeo di siguridad y otro parti di proceso como documento cu hende mester trece, y pago di visa ta continua mesun cu tabata estableci.
