(Infobae) – Diadomingo ultimo 12 di juni, a conmemora e dia internacional di trabao infantil, akinan e minister di Trabao di Colombia, Angel Custodio Cabrera a duna di conoce algun cifra cu ta refleha e problema den e pais aki.
Ministerio di Trabao a revela cu 260.000 mucha y adolescente na Colombia, entre e añanan 2018 pa 2021, a laga nan condicion di trabou infantil, e disminucion di e cifra di e problema aki den tres aña ta di 1.3%.
A pesar di e cifra aki, e mesun ministerio a aclaria cu ainda na e pais tin 507.846 mucha y adolescente cu ta na peliger di cay den e trabao infantil na Colombia.
Segun e ministerio, esaki no ta afecta e parti fisico y psicologico di e muchanan so, sino cu tambe varios biaha e oportunidadnan pa e muchanan sali di pobresa ta keda stanca, debi cu e mayoria no ta studia of nan a bandona scol pa por traha.
Un cifra cu Departamento Administrativo Nacional di Estadistica a duna di conoce di aña 2021 ta indica cu cerca di 508.000 menor di edad, entre 5 y 17 aña, tabatin condicion di trabao infantil, mas di 9.000 persona menos cu na mesun periodo di 2020.
Di e cifra aki, ta señala cu 21.1% di e menornan di edad 51.8% ta mucha homber y 48.2% ta mucha muhe.
Ministerio a informa cu den e prome cinco luna di aña a realisa 30 tayer na diesnuebe departamento, e capacitacion a ser duna na 829 funcionario capacita na 150 municipio participante. E tayernan ta dirigi pa CIETIS, un instancia di coordinacion tecnico y specialisa cu e tema di prevencion y eliminacion di trabao infantil na nivel nacional cu e fin di construi diagnostico di areanan di influencia di trabao infantil.
Igualmente a informa cu un total 10.485 mucha menor ta registra den nan plataforma cu proceso di verificacion di parti di autoridadnan.
