(CuraçaoChronicle) – Gerrit Schotte ainda no a responde na e opcion cu Ministerio Publico (OM) a ofrece na e ex-prome minister pa haci un areglo di pago. Tempo ta cabando. Vocero di Ministerio Publico, Guillano Schoop, ta bisa cu Ministerio Publico tampoco ta bay sinta warda pa semper.
Na comienso di mei, a bira cla cu e 1.8 miyon florin cu Schotte tin pendiente ainda for di su participacion den corupcion oficial y labamento di placa, mester bin riba mesa rapidamente, pero cu e ex-prome minister no tin e placa. Esaki a pesar di un recaudacion di fondo cu a prepara den pura, den cual Schotte a pidi miembronan di publico pa colecta e placa.
Ministerio Publico practicamente a acepta e solicitud pa un areglo di pago door di haci un invitacion na Scotte, pero su abogado a bisa Ministerio Publico cu e ta actualmente den exterior. Desde e contesta ey, no a tende nada mas.
Ministerio Publico ya a bisa esaki y ta ripiti un biaha mas: Un areglo di pago mester ta den proporcion na e debe di 1.8 miyon florin. E ora ta rekeri un suma mensual substancial pa cumpli cu e pago.
