Ministerio Publico y Cuerpo Policial Aruba (KPA) tin intencion di tene un accion di colecta arma di candela pa bringa posesion di arma di candela ilegal.
Durante e periodo aki personanan por entrega nan arma di candela na polis anonimamente y sin castigo.
E intencion di e accion aki lo no ta pa resolve caso, sino pa kita armanan di candela for di caya. Desde comunidad ta zona basta tempo caba e grito pa tene un accion asina. E ultimo accion di colecta arma di candela anonimamente y sin castigo a tuma luga na 2009.
Mas informacion tocante e accion di colecta armanan di candela (unda y ki tempo) lo sigui pronto.
