(NLTimes) – E cantidad di hobennan cu problema di salud mental a aumenta di manera drastico durante e pandemia di coronavirus.
Aña pasa, 18 porciento di hobennan di entre 12 pa 25 aña di edad tabata “mentalmente instabil,” Statistics Netherlands (CBS) a reporta. Esaki ta yega na un cantidad di 488,000 hoben. Den aña 2019 te cu 2020, esaki te ainda tabata 11 porciento. E deterioro ta hopi probabel di ta causa pa e medidanan di coronavirus, manera ceramento di scol y lockdown completo.
“Hobennan hopi biaha a sinti nan mes depresivo y nan so, entre otro sentimentonan,” CBS a declara. E salud mental a deteriora mas tanto den mucha muhenan y muhenan adulto den e grupo di edad aki. E oficina di estadistica a clasifica cu casi un kwart di e grupo aki “mentalmente no ta saludabel.” Prome cu e crisis di coronavirus, esaki tabata 14 porciento di mucha muhenan y muhenan. “Sinembargo, mas mucha homber tambe a cuminsa lidia cu un salud mental den deterioro,” CBS a agrega.
E agencia a conduci un encuesta relaciona cu salud mental entre hobennan di e grupo aki, den cual nan a contesta preguntanan tocante nan bienestar emocional. Entre otro, e oficina a mira na con frecuente e hobennan ta sinti nan mes depresivo, agota of cu falta di felicidad.
Anteriormente, un estudio di CBS ya caba a trece dilanti cu e salud mental di hendenan hoben a deteriora durante e ultimo kwartal di 2020, y esaki a continua te na e dos prome kwartal di 2021. Nan a indica cu nan ta menos probabel di ta felis y satisfecho cu bida compara cu prome cu e pandemia.
