(DutchNews.nl ) – Parlamentarionan Hulandes den Parlamento Europeo, a reacciona cu rabia na e decision di Comision Europeo pa sostene e fondo di recuperacion di 35.4 biyon euro pa Polonia, habriendo caminda pa e pago di cash di sosten pa coronavirus di UE despues di un aña di negociacion.
E decision, tuma pa presidente Ursula von der Leyen a genera controversia pasobra Polonia ainda no a cumpli cu condicionnan poni pa e Comision anteriormente pa ricibi e placa, cual ta involucra reduci su control riba sistema legal.
Parlamentario di D66, Sophie in ‘t Veld a bisa cu e decision efectivamente a ‘castra e Corte Europeo di Husticia’.
Parlamentario di PvdA, Thijs Reuten tabata igualmente rabia. “Von der Leyen a pusha e decision aki door pa e motibonan robes, y a cay pa e chantahe politico di Polonia”, el a bisa.
Parlamentarionan di CDA tambe a bisa cu e decision no ta sabi. Maske Polonia lo mester inicia mas reforma pa haya acceso na e placa, hopi di cual lo bay den un programa ambicioso pa descarbonisa e economia y reforsa independencia di energia, un variedad amplio di criticonan ta bisa cu e Comision no ta bay suficiente leu.
Al menos dos vice-presidente di e comision – Frans Timmermans di Hulanda y Margrethe Vestagger– a vota contra e aprobacion, y hasta cinco Comisionado a expresa dudanan serio.
Den loke e website Politico a describi como un ‘reprension particularmente skerpi’, Timmermans a bisa cu e ‘no ta di acuerdo cu e hecho cu ta ahustando e orden legal na e realidad politico, na lugar di al reves’.
Gobierno nacionalista di Polonia a nenga di suavisa control riba sistema legal manera exigi pa e Comision, pero siman pasa, Parlamento Polaco a vota pa desmantela un comite disciplinario cu a set up pa sanciona huesnan critico. Sinembargo, oponentenan ta argumenta cu esaki riba su mes no ta suficiente pa merita cu ta ricibi e fondonan.
Von der Leyen ta bay debati esaki cu Parlamento Europeo proximo siman.
