(Infobae) – Hues di Audiencia Nacional Joaquin Gadea a admiti un denuncia presenta contra e candidato presidencial Colombiano di iskierda, Gustavo Petro pa e presunto secuestro di e periodista Fernando Gonzalez di parti di e organisacion guerrillero M-19 den cual e politico tabata militante.
Dia 19 di mei ultimo, e hues di refuerso di Husgado Central di Instruccion number 6 ta splica cu e admision ta produci “solo pa efecto” di ofrece na e familiarnan di e periodista e posibilidad di tene un huicio despues cu Fiscalia a rechasa e solicitud pa hacie.
Fuentenan huridico a splica cu Ministerio Publico a busca un apelacion na momento cu no ta aprecia e conexion di e hechonan cu e hurisdiccion di e tribunal.
E admision di e proceso di e denuncia aki a ser conoci un dia despues cu Petro a haya e victoria na e prome buelta di eleccionnan presidencial di Colombia, despues di haya 40.32% di e votonan.
E periodista den un fecha no determina entre añanan 1977 y 1990 a wordo secuestra pa guerrilla y despues a keda den libertad. Gonzalez Pacheco, cu tabata gosa di fama na Colombia, a muri na Bogota na 2014 pa un complicacion cardiaco.
E relacion cu ta conecta cu e hechonan aki cu Audiencia Nacional segun magistrado ta apunta, ta cu si Gonzalez a nace na Spaña – locual mester wordo ratifica, ademas e hues ta solicita e investigacion cu colaboracion di autoridadnan Colombiano pa haya sa si Petro “ta gosa di estado di amnistia of indulto, y specialmente si a wordo investiga, absolvi of condena pa e hechonan” cu ta wordo investiga. Y ademas, ta ofrece na e mesun Petro pa presenta na e procedemento pa e por defende su mes.
Cu e rechaso di Fiscalia, e magistrado ta laga cla cu lo ta e practica di e diligencia aki esun cu lo permiti “aclaria, sin duda, e competencia di e hurisdiccion Spaño y den concreto di e husgado pa comproba si di manera procesal ta resulta posibel un investigacion”.
