(NLTimes) – Suriname ta pidi Hulanda pa ayudo den e intercepcion di droga y arma na frontera cu Guyana Frances.
Esaki ta inclui boto y otro ekiponan, segun Minister Surnameño di Husticia y Cuerpo Policial Kenneth Amoksi den un conversacion cu ANP.
E frontera entre Surinam y Guyana Frances ta largo y amplio, haciendo cu e ta dificil pa tin un control estricto den awa. Amoksi su peticion pa sosten a ser dialoga siman pasa durante un bishita di orientacion di cuerpo policial Hulandes na Surinam. E delegacion a bishita pa brinda sosten na cuerpo policial di Surinam y autoridadnan hudicial como parti di e cooperacion renoba entre Hulanda y Surinam.
E cooperacion aki a ser restaura desde cu e gobierno den bao mando di President Chan Santokhi a drenta den mando den aña 2020. Durante e 10 añanan prome cu esaki, bao direccion di President Desi Bouterse, e relacion entre e dos paisnan a bira friu.
Hulanda tambe ta dispuesto pa paga pa e introduccion di servicio di comunidad na Surinam, mirando cu e prizonnan Surnameño ta basta yen. Un delegacion di Surinam lo ricibi training pa esaki na Hulanda.
Otro cooperacion intenso lo ta den e area di combati crimen financiero. Amoski ta argumenta na fabor di un extension di e asistencia legal mutuo cu Hulanda y Surinam tin. Esaki lo duna Surinam mas oportunidad pa por combati crimennan financiero.
