(NLTimes) – Gabinete di Hulanda lo admiti cu discriminacion constitucional a tuma luga na parti di e autoridad di impuesto Belastingdienst.
Fuentenan cercano di e Gobierno a confirma e reportahe di RTL Nieuws cu esaki ta e resultado di deliberacion cu e Conseho di Ministernan. Secretario di Estado Marnix van Rij anterior mente a bisa cu admiti no necesariamente ta nifica cu lo tin consecuencia legal.
Diaanson, e Gabinete a dialoga e proposicion di Van Rij pa reconoce e autoridad di impuesto ta culpabel di racismo institucional riba varios punto specifico. E secretario di estado a bisa cu e sa cu esaki ta un topico sensitivo pa motibo cu varios persona no ta mira un diferencia den racismo constitucional y racismo como un ideologia. Racismo institucional no ta mesun cos cu racismo basa riba odio, Van Rij a enfatisa dilanti e Conseho di Ministernan. Tambe tabatin preocupacion tocante consecuencia legal cu lo por bini cu un confesion di e tipo aki.
E miembronan di gabinete no kier a confirma si nan tambe lo reconoce esaki despues di e Conseho di Ministernan. Van Rij ta finalisando un carta na parlamento tocante esaki.
Pa añanan largo, autoridad di impuesto a mantene un lista controversial di personanan cu posibilidad halto di comete fraude. Investigacion di PwC a demostra cu e personanan cu un aparencia diferente tabata suheto di control mas estricto. Edad, nacionalidad y donacion ta moskee tabata considera factornan di riesgo pa fraude. Van Rij ya caba a admiti cu e resultadonan di e investigacion tabata severo, yama e criterionan aki “discriminatorio.” Sinembargo inicialmente e no a bisa nada tocante racismo.
Van Rij awo ta referi na e definicion di racismo institucional di Netherlands Institute for Human Rights. El a conclui di esaki cu “por tin comportamento inconsciente, structura y sin intencion den un organisacion den cual gruponan ta ser trata diferente di otronan. El a yama esaki algo hopi “diferente” cu conscientemente exclui personanan basa riba etnicidad, origen of religion, cual simplemente ta un ofensa castigabel.
