(LaPatilla) – Nicolas Maduro a culpa e presidente di Colombia, Ivan Duque pa supuesto atakenan terorista contra a refinerianan na Paraguana, El Palito y e dam hidroelectrico di Guri, durante fin di siman cu a pasa.
“Tareck William Saab tin permiso y no a bin e reunion, pasobra e ta na e compleho di e refineria di Paraguana cu diadomingo a sufri un atake terorista. Afortunadamente e medidanan di seguridad a permiti nos controla locual a pasa”, el a comenta durante un transmision.
Di otro banda el a bisa cu e refineria di El Palito a ricibi un atake contra e sistema electrico. Maduro a acusa e mandatario Colombiano di ta tras di e golpinan y a yam’e “loco” pa un supuesto odio cu e tin contra Venezuela.
“Diasabra anochi e refineria El Palito tambe a sufri un atake contra e sistema electrico. E refinerianan ta obhetonan di atakenan di enemigonan infiltra pa haci daño na nos complehonan. Tras di esey tin e derechistanan y e plannan di Ivan Duque cu ta loco, herida y yen di oido contra nos”, el a expresa.
Asina mes el a bisa cu den fin di siman e dam di Guri na e estado Bolivar, tambe a sufri dos atake terorista.
“Recientemente no a informa, pero mi ta probecha di hacie, e compleho hidroelectrico di Guri tambe a ricibi dos atake contra su sistema operativo. Nan ta atacando e compleho y e refinerianan, alerta tur hende”, el a indica.
