(NLTimes) – Compania di Rotterdam Tanaruz ta bende botonan traha cu 3D Printer haciendo uso di plastic recicla.
Cu un prijs di 15,000 euro pa un modelo basico, Tanaruz kier haci cu navegacion recreativo bira mas accesibel. E compania tambe tin e plan di haci cu yatenan recreativo bira mas sostenibel pa medio di haci uso di polymer recicla. Na fin di su uso, e botonan aki por ser desmantela y usa pa crea botonan nobo.
E compania ta ofrece 4 diferente modelo, cu ta varia di 2.4 pa 10 meter den largura. Nan por ser personalisa y ekipa cu motornan electrico, bateria y panelnan solar. E ta tuma mas o menos 2 dia pa print e modelonan mas chikito.
“Cu Tanaruz nos kier pa yatenan recreativo bira accesibel pa tur hende buscando un producto accesibel pero mas importante sostenibel,” Alex Shifman, fundador di RAW Idea ken ta tras di Tanaruz a bisa RTL Nieuws. E plastic botonan di plastic recicla ta practicamente indestructibel pero tambe circular, segun loke el a agrega. “Si bo kier un boto mas grandi pa motibo cu bo famia ta creciendo, nos ta usa bo boto bieu como material pa print uno nobo.”
Na 15,000 euro, e modelo basico di Tanaruz ta costa mas o menos mita di e prijs di un boto tradicional di e mesun tamaño, segun e compania. Tanaruz kier baha e costo aki aun mas pa medio di aumenta produccion y agrega un di dos localidad. E compania kier print mas o menos 100 boto e aña aki y aumenta esaki na 300 boto proximo aña.
