(NLTimes) – E posicion di hende hoben den sociedad ta bao presion. Pa e motibo aki hende hoben mester keda mas involucra den e creacion di politica, segun loke 14 consehonan ta expresa den un yamado conhunto na tur politiconan y sociedad. E pandemia no ta e ultimo crisis den e bida di hendenan hoben, segun e consehonan.
“Varios persona hoben na Hulanda ta bayendo bon y ta resiliente, pero nan posicion ta bao presion,” e Consehonan a bisa den un reportahe presenta na Den Haag riba dialuna. “Esaki ta bira visibel den educacion, den e mercado di labor, den mercado di vivienda y otro luganan tambe.” E Conseho di Salud y Bienester, Conseho di Cultura, Conseho pa Salud Publico y Sociedad, y Conseho Social-Economico cu varios otronan tabata involucra den e creacion di e reportahe. 4 organisacion di hobennan tambe a contribui na e publicacion.
Oportunidadnan no ta dividi di manera igual. Cierto gruponan di hende hoben, den particular, ta pasa den mas lucha, manera muchanan kendenan su mayornan tin un antecedente socio-economico abao, hobennan cu condicionnan cronico y hobennan cu ta eticamente diverso.
E consehonan ta kere cu hobennan mester ta mas activo den e creacion di politicanan pa asina nan por yuda determina nan mesun futuro. “Si nos no aprecia suficientemente e bos y interes di hobennan, e politica no lo por provee un futuro cu tin speransa.”
