(TMZ) – Selena Gomez a uni na e administracion Biden pa trece enfoke riba salud mental cu e ayudo di hobennan cu tambe ta tocando e tema.
E cantante y celebridad conoci tabata presenta na 1600 Pennsylvania Ave. pa expresa su mes y yuda lidera un conversacion cu e forum forma recientemente Mental Health Youth Action, cual a ser forma pa MTV y e cantante su compania di cosmetico Rare Beaty su Rare Impact Fund.
Selena a ser introduci pa Dr. Jill Biden, y despues a splica e motibonan dicon e tabata presente, y dicon e ta importante pa motiva hende papia tocante salud mental di un manera mas liber.
E meta di esaki ta pa caba cu e tabu rond di salud mental, mientras tambe ta purba motiva lidernan hoben cu ta traha den e sector, pa medio di boga pa nan y sostene nan. Aparentemente hopi persona a atende y tabata hopi atento mientras Selena Gomez tabata papia, mirando cu e sala tabata completamente yen.
Algun di e metanan cu Selena Gomez y su compania kier logra cu e forum nobo aki ta inclui cambia leynan di labor y haci nan mas sensibel na necesidadnan di salud mental, incluyendo extra dianan liber paga specificamente pa salud mental, cual por ser mira di mesun manera cu AO.
Selena Gomez tin hopi tempo caba siendo publicamente vocal tocante su propio desafionan pa cu salud mental. El a papia tocante esaki recientemente na GMA, y a laga cla cu esaki ta un tema hopi importante y cercano pa su persona.
