(NLTimes) – E demanda di Merca pa pildonan pa aborto di Aid Access, cual ta dokter Rebecca Gomperts su organisacion cu ta provee e pildonan aki online ta aumentando rapidamente.

Gomperts a bisa den un entrevista cu agencia Frances di noticia AFP cu aparentemente personanan na Merca ta drentando den “panico” pa motibo cu e Corte Supremo di Merca ta den proceso di remove e derecho constitucional pa aborta otro luna. Si esaki tuma luga, mas o menos 20 estado di Merca tin plan di prohibi of severamente limita e derecho di aborto.

“Ya caba nos ta mirando un aumento grandi en e cantidad di peticion,” Gumperts, ken tin 55 aña di edad a bisa. Desde aña 2018, su organisacion Aid Access ta distribui pildonan pa aborto online. Anteriormente e aña aki, Gomperts a ricibi e premio Aletta Jacobs Prize 2022 di University of Groningen (RUG) pa su trabao relacioan cu e lucha pa derechonan di aborto y acceso na aborto legal y sigur. E hurado a declara cu Gompers a logra trece aborto riba un posicion halto den e agenda politico di varios pais cu su organisacionnan Women on Waves, Women on Web y Aid Access. Den aña 2020, e dokter ya caba tabata riba Time’s su ‘100 most influencial people.

Den pasado, Gomperts a para su boto den lama internacional cerca di costa di paisnan manera Poland, Spaña y Mexico pa asina ofrece aborto medico abordo na muhenan cu no tabatin acceso na aborto sigur den e paisnan concerni.

E decision pendiente di Corte Supremo tin varios persona “ta ripara con vulnerabel nan ta,” e dokter a expresa.

Demanda di Merca tabata halto hasta prome cu e Corte Supremo di Merca su intencionnan a keda revela recientemente. Den solamente un aña, pues di october 2020 pa december di 2021, Aid Access a ricibi mas di 45,000 peticion pa ricibi pildo pa aborto di Merca. E motibonan pa e peticion tabata varia pero ta inclui costonan demasiado halto pa servicionan di aborto, e costo mas esfuerso pa biaha na clinicanan di aborto cu tabata den otro estado y e falta di habilidad pa haci esaki pa causa di trabao of cuido di un mucha.

Despues di completa un cuestionario, e muhenan ta ricibi e instruccion di con pa tuma e pildonan aki na cas. E prijs ta ahusta segun nan capacidad financiero y e pildonan ta keda manda via un botica na India. Aid Access ta contacta e muhenan en cuestion despues cu e pildo keda manda.