Relaciona cu e proyectonan haci cu fondo di Hulanda pa cu e crisis migratorio di Venezuela
Durante un reunion diabierna 29 di april, Bureau Rampenbestrijding Aruba (BRA) a entrega e rapport controla pa Plus Accouting di e proyectonan haci cu fondo di Hulanda pa cu e crisis migratorio di Venezuela na Prome Minister Evelyn Wever-Croes. Bureau Rampenbestrijding Aruba a coordina e fondo ricibi na 2019 pa ehecuta e “bestedingsplan Crisis Venezuela”.
“Cu e fondonan aki nos por a ehecuta varios Proyecto cu a wordo, a pesar di e retraso ocasiona pa Covid 19, pa yuda alivia e impactonan di e crisis. Na 2019 nos a haya fondo di Hulanda y awor e rapport a wordo entrega pa responsabilisa e gastonan. Mas importante ta cu tin un rapport audita di accountant oficial pa cu e gastonan”, Prome Minister a duna di conoce.
Den nomber di Gobierno di Aruba, Prome Minister Evelyn Wever-Croes ta felicita y gradici BRA cu hunto cu Ministerio di Asuntonan General a encarga nan mes di esaki.
