Hackernan contrata a purba y fracasa di invadi sistema di voto Brasilero

(AP) – Mas di 20 posibel hacker a reuni na e base di e autoridad electoral Brasilero den e capital e siman aki. Nan mision tabata ta di infiltra e nacion su sistema di voto den anticipacion di un eleccion anticipa den october.

Nan gran cantidad di intento cu a dura ma sdi 3 dia a caba riba diabierna y tabata parti di un testing plania cu ta tuma luga tur aña di eleccion, usualmente procediendo sin ningun tipo di incidente y sin yama atencion. Sinembargo cu President Jair Bolsonaro continuamente demostrando duda tocante con confiabel e sistema ta, e test a tuma un gran cantidad di enfoke di e autoridad electoral, conoci como TSE, y nan tin plan di aumenta e confiansa den e eleccion general binidero.

Analistanan y miembro di TSE a bisa cu e resultado di e test aki tabata miho y mas motivacion cu nunca. Tur e expertonan cu a purba di drenta e sistema, entre ken tabatin agentenan di cuerpo policial Federal y profesornan di universidad experto den ingenieria, informacion di tecnologia, siguridad di data y sciencia di computer a fracasa nan intento.

“Ningun di e atakenan a lorga cambia e destino di e voto den e sistema,” Julio Valente da Costa, secretario di TSE di informacion di tecnologia a conta The Associated Press den un entrevista. “E importancia di e test aki ta pa nos ta sigura, por lo menos riba tur e tecnologia y componente computalisa di e eleccion.”

Ora cu Bolsonaro a gana e careda presidencial 4 aña pasa, el a bisa cu e tabatin e victoria den e prome ronda caba, no simannan despues. E ex capitan di ehercito hopi biaha a haci acusacion cu e sistema cu tin 3 decada den uso ta vulnerabel, y den cierto instantenan a bisa cu e tin prueba cu fraude a tuma luga, sinembargo nunca el a presenta e pruebanan aki.

Aña pasa, Bolsonaro a sugeri cu e eleccion por keda cancela si no bini cu un reforma pa e sistema di votamento den Congreso. Sinembargo e proposicion cu lo trece cambio constitucional no a ricibi suficiente voto.

Analistanan y politiconan a expresa preocupacion cu Bolsonaro, ken ta un derechista, y ta tras di ex President izquierdista Luiz Inacio Lula da Silva, ta creando e fundeshi pa sigui e pasonan di su aliado y ex President Donald Trump, y rechasa resultado di e eleccion si esaki no ta faborabel pa su persona.