(LaNacion) – Despues di dos dia di mobilisacion a lo largo y hancho di Argentina, e yama Marcha Federal di e cual Unidad Piquetera (UP) ta lider, a yega ayera diahuebs na e ciudad di Buenos Aires na unda a tuma luga e acto central pa reclama pa trabao y salario.
Organisacionnan social iskierdista tabata concentra na varios punto di e capital y a provoca blokeo di cayanan y caos den e transito.
Eduardo Belliboni, titular di Polo Obrero, un di e espacio cu UP ta conforma a aclaria cu “no ta solamente reclamo di organisacionnan piquetero y social, sino di loke e clase obrero den conhunto ta. Nan tin cu wak esunnan cu no tin trabao, sino e clase obrero y e escasez di trabao. E problema di salario ta afecta economia, consumo y despues ta e situacion social grave cu inflacion y cu programanan social cu ta hopi abao di un canasta basico minimo elemental”.
El a expresa su rechaso na e reciente declaracionnan di e minister di Economia, Martin Guzman, ken a destaca e recuperacion di empleo na nivel nacional, ora Belliboni a wordo puntra si e tabata wak un mehora den e area ey el a bisa “efectivamente nos no ta wak esey den e barionan, pero mas leu cu esey tur economia ta bisa cu loke tabatin ta un retroceso, e cual a para caba y nos a bolbe drenta den recesion”
Asina mes, el a splica cu “e datonan cu tambe INDEC ta maneha, cu a duna cifranan di pobresa y inflacion, den e prome cuatro luna di aña a acumula casi 32% di alimento, nos ta papiando di un economia stanca na unda e consumo lo cay inevitablemente”.
