(AP) — Reina Elizabeth II no ta bay presencia apertura di Parlamento awe pa prome biaha den casi 60 aña, mientras e ta lucha cu dificultadnan di mobilidad.
Palacio di Buckingham a bisa den un declaracion ayera cu a haci e decision den consulta cu su dokternan, y cu e reina di 96 aña di edad ‘dudosamente’ a dicidi di no presenta. Prins Charles ta bay lesa su discurso, mientras pa prome biaha su nieto Prins William, duke di Cambridge, ta bay tin un rol oficial den e evento.
Esaki ta bay marca apenas e tercer biaha durante su reino cu Elizabeth no a duna apertura na Parlamento. Anteriormente e tabata ausente na 1959, tempo cu e tabata na estado cu Prins Andrew, y na 1962, tempo cu e tabata na estado cu Prins Edward.
E apertura estatal di Parlamento ta un ceremonia di varios siglo bieu, cu ta marca inicio di e aña legislativo. E evento tradicionalmente ta cuminsa cu un paseo riba coach na e Cas di Parlamento, sigui pa e monarca lesando e Discurso di Reina delineando e programa legislativo di gobierno na un sesion conhunto presencia pa tanto e House of Lords como e House of Commons.
Pero participacion tambe ta involucra nabega trapi y otro retonan pa un persona cu tin problema pa move.
E monarca cu servicio di mas largo di Reino Uni, Elizabeth a aparece publicamente pa ultimo biaha durante un servicio na Westminster Abbey pa celebra e bida di Prins Philip, su esposo di mas di 70 aña kende a fayece aña pasa.
Reina Elizabeth, kende recientemente tambe a recupera di Covid, a pasa gran parti di ultimo dos aña na Windsor Castle, west di London, unda el a refugia durante e pandemia. El a continua trahando durante e periodo aki, maske mayoria di su tareanan a wordo ehecuta virtualmente, incluyendo reunionnan cu embahadornan, trahadornan di salud y muchanan di scol.
