(NLTimes) – Promocion y ofertanan na supermercadonan organico ta responsabel pa un porcentahe chikito di espacio riba flyer pa supermercado, Pointer a reporta.
Esaki ta den contraste cu e Comision Europeo su meta di tin un kwart di argicultura completamente organico prome cu aña 2030.
Na Albert Heijn, Plus y Lidl, cuminda y bebida organico ta constitui solamente 2 porciento di e promocionnan, mientras cu na Aldi esaki tabata un porciento, Pointer a mira brochure di e cadenanan principal di supermercado pa un periodo di 6 luna pa obtene e informacion y figuranan aki.
Solamente 4 porciento di e agricultura ta organicamente creci na Hulanda actualmente. E porcentahe aki casi no ta creciendo, pa motibo cu no tin un demanda suficientemente grandi pa cuminda organico segun Pointer. “Algun di e cunukeronan lo kier cambia y ta organico, pero e demanda no ta presente, haciendo cu esaki no por ta posibel,” Jeroen Candel, asociado di politica agricultural na Wageningen University a bisa.
E responsabilidad eora ta cay cu e supermercado pa aumenta e cliente su demanda pa productonan organico, Jaco Burger, manager di ERF a bisa, “E promocion tras di esaki ta determina si e cliente lo cumpra e producto of no,” Burger a conta Pointer.
