(CuraçaoChronicle) – Gobierno di Corsou ta proponiendo pa temporalmente reduci prijs di gasoline cu 25 cen per liter te cu dia 31 di december di e aña aki. Dos di e mas di dies componente cu ta conforma e prijs di un liter di fuel ta siendo corta.
Ta bay reduci e accijns riba prijs di gasolin cu 25 porciento for di 41 na 30 cen. Ademas, ta bay elimina e impuesto di benta pa mayorista (6 porciento); un beneficio adicional pa consumidor di 13 cen.
E propuesta ta faborabel pa e consumidor, pero menos pa e pais, cual ta perde mas cu 26 miyon florin. Esaki ta wordo compensa pa un mayor colecta di impuesto, segun gobierno a splica anteriormente.
E reunion parlamentario riba e propuesta aki pa reduci prijs di fuel for di mita di mey a keda posponi pa motibo di un conflicto entre partnernan di coalicion MFK y PNP. E parlamentarionan di coalicion tur a bandona e sala di Parlamento.
Minister di Finanzas, Javier Silvania awo a anuncia cu e reunion ta bay continua diahuebs dia 12 di mei proximo. E minister ta insisti cu esaki no ta nifica cu no ta posibel mas pa permiti pa e prijs reduci pa fuel drenta na vigor dia 13 di mei.
Segun Silvania, si Parlamento aproba e propuesta, por publica e notificacion riba mesun dia, pa asina a reduccion di prijs di gasolin ta bay drenta na vigor dia 13 di mei. “Pues ta keda na Parlamento. Mi a haci loke mi tabata por pa duna pueblo di Corsou un tiki alivio”, Silvania ta bisa.
Dia 14 di april, despues di e prome ronda di pregunta, e minister a pidi un siman pa contesta e preguntanan, pero esaki a bira un luna despues, dia 12 di mei.
Durante e reunion den parlamento na april, Silvania a haci un apelacion urgente na parlamentarionan pa bay di acuerdo cu e propuesta describi den e ‘aviso di migracion temporal di prijs di fuel’, pa asina e por drenta na vigor dia 13 di mei.
