(NLTimes) – E Union Europeo ta sigui cusu caso anti-confiansa contra Apple riba dialuna, acusando e compania di abusa di nan posicion dominante pa medio di limita acceso na tecnologianan cu ta permiti pago sin contacto.
E bloke di 27 nacion su man ehecutivo, e Comision Europeo, tin desde aña 2020 investigando Apple. E comision su posicion preliminar ta cu e agencia ta restirngi competencia pa medio di preveni cu e personanan cu desaroya aplicacion pa e “Wallet” di Apple di tin acceso na e material necesario y software riba dispositivo di Apple.
E aplicacion ta depende di comunicacion ‘near-field’, of NFC, cual ta usa un chip den e dispositivo mobil pa comunica di manera wireless cu e tienda su terminal di pago.
E comision a bisa cu Apple Pay ta e cartera mobil basa riba NFC mas grandi den e mercado y a acusa e compania di nenga acceso na e tecnologia popular na otro personanan.
“Apple a crea un ecosistema cera rond di su dispositivonan y sistema di operacion, iOS. Y Apple ta controla e portanan di e ecosistema aki, poniendo reglanan den e wega pa cualkier persona cu kier yega na consumidornan cu ta haci uso di dispositivo di Apple,” comisario di competencia di EU Margrethe Vestager a bisa. “Pa medio di exclui otronan for di e competencia, Apple ta proteha su mes di competencia di un manera inhusto.”
