Despues cu e contract di Mediador di Gobierno, sr. Anselmo Pontilius a vence, gobierno a renob’e. Actualmente e tin 4 aña cu ta eherce e funcion aki, y aña pasa di parti di gobierno nan a haci un apelacion ora cu su contract a vence aña pasa.
Gobierno a puntra Pontilius si e ta disponibel pa continua den e funcion aki y el a informa cu ainda e lo desea di sigui cu su trabou como Mediador. Tambe el a pidi gobierno pa nan sondea si tin otro persona of candidatonan cu por asumi e responsabilidad aki.
Mediador di Gobierno su contract a wordo extende pa cuater aña mas; pero ya caba e departamento aki tin un persona nobo cu ta disponibel pa bira eventualmente e proximo Mediador di Gobierno den futuro. E persona aki su papelnan ta den proceso, y Pontilius ta haya esaki un bon noticia cu ya caba nan ta preparando hendenan cu por asumi e responsabilidad . E ta kere cu e por ta mas cu un, pero e ta satisfecho cu a lo menos ya caba tin un persona. Ya cu e ta bin insisti cu niun hende ta indispensabel cu e sa den niun caminda. Pero di otro banda si nan ta mantene e institucion aki operacional, nan mester tin hendenan cla pa tuma over y continua cu e responsabilidad sea cu un hende ta malo of e no t’ey mas.
