(BBC) – Den un audiencia di mas di 12 ora, cu a wordo transmiti en bibo, e hues Carmen Helena Ortiz a nenga e solicitud di cera e caso contra e ex-presidente di Colombia Alvaro Uribe.
E solicitud a wordo presenta pa Fiscalia General di Nacion na maart di 2021, apelando ausencia di delito den e conducta den cual e ex-mandatario ta wordo acusa.
“Ta resulta claro pa e despacho cu si ta existi un hipotesis posibel tocante e materialidad di e delito di soborno cu actuacion penal”, e hues 28 di Conocemento di Bogota a bisa den audiencia.
Tambe a agrega cu defensa di Uribe lo por apela esaki na Tribunal Superior di Bogota, cu ta esun cu lo tuma e decision final.
Memey di un proceso cu a tarda añanan y hustamente prome cu eleccionnan presidencial den cual derecha ta pertenece na Uribe, ta hunga su permanencia na poder.
E proceso contra Alvaro Uribe tabata un sorpresa, no solamente pa motibo cu ta trata di e ex-presidente mas popular den historia reciente di Colombia (senador y presidente pa dos periodo entre 2002 y 2010), sino cu tambe lo por ta un hues y no un Corte Alto, esun cu lo determina si Uribe ta inocente of culpabel, aunke e mesun Fiscalia tabata espera di no yega na e instancia aki.
E caso cu a cuminsa na Corte Supremo di Husticia, a pasa na Fiscalia na 2020 ora Uribe, despues cu a wordo deteni cu prison domiciliario, a renuncia na su puesto como senador, a perde su condicion di privilegio y a recupera su libertad back.
Di su parti, e ex-presidente a bisa cu e ta enfrenta un persecucion politico y a renuncia pa motibo cu no tabata conta cu garantianan na Corte.
