E inauguracion di Willem-Alexander como Rey di Hulanda a tuma lugar durante un sesion special di Staten-Generaal di Hulanda den Nieuwe Kerk. Durante e ceremonia di inauguracion, Willem-Alexander a huramenta y a priminti di sostene e Statuut di Reino Hulandes y e Constitucion di Hulanda.
Despues di huramentacion di Willem-Alexander, e miembronan di Staten-Generaal tambe a huramenta pa tene e rey na su promesa.
Pa e ceremonia, e rey a scoge pa bisti bao di e capa real paña di gala na lugar di un uniform militar. Como Gran Maestro, el a bisti e sash y badge di Orden Militar di William, y como Gran Maestro a bisti decroacionnan di tur orden nacional/dinastico den forma miniatura.
E trono a consisti di dos stoel luhoso for di Palacio Het Loo cu tabata un regalo na Reina Whilelmina for di residentenan di Amsterdam. E intencion original tabata pa usa e mesun stoelnan cu a wordo usa durante inauguracion di Reina Beatrix na 1980. Pero a bira aparente cu esaki lo ta imposible ya cu e stoelnan tabata demasiado abao pa por sinta comodamente.
Riba e geloofsbank tabatin tres representacion di Reino. E Regalia di Hulanda banda di e Constitucion. E corona representando soberania y dignidad di e monarca, e scepter real simbolisando autoridad di e monarca, e orbe simbolisando e dominionan riba cual e ta reina, y e constitucion simbolisando e monarkia constitucional.
Yegando na Nieuwe Kerk, e pareha real a conta cu escolta di un delegacion special cu a inclui presidente di Parlamento, cuatro miembro di Staten-Generaal, y e kamerheer di Senado.
E mesun dia, cual tambe tabata Dia di Reina, Armin van Buuren tabata e presentacion primincipal en bibo celebrando e coronacion di e rey na Amsterdam. Mientras e tabata tocando en bibo hunto cu e Concertgebouw Orkestra Real na Amsterdam Harbor riba Java-Eiland, rey Willem-Alexander, reina Maxima y nan tres yiu a haci un bishita sorpresa riba escenario.
