Manera ta costumber, Directie Volksgezondheid, tambe conoci como DVG ta publica un resumen semanal unda cu por mira e desaroyo di COVID-19 riba nos Isla.
Den e resumen semanal publica recientemente, a mira e recuperacion di un total di 213 persona recupera, sinembargo a registra 244 caso nobo di COVID-19.
E cantidad di casonan activo di COVID-19 riba dia di publicacion ta di 126, y e cantidad di fayecidonan relacioan cu COVID-19 ta di 212 persona.
Datonan a ilustra cu casonan nobo di COVID-9 tin un average semanal di 35 casonan positivo pa dia y un averahe di tasa di positividad di 41 porciento pa dia.
Actualmente na Aruba tin 3 persona interna debi na COVID-19 of cu e virus. Di e personanan aki, no tin ninguno den unidad di cuido intensivo, tambe conoci como ICU, pues tur internado ta riba piso general. Igualmente na Colombia tin 3 persona interna, sinembargo di e personanan aki tin 2 den unidad di ICU, cu 1 persona mas riba piso general.
