(AP) – Purbando di combati speech di odio, mal informacion y otro contenido danino online, e Union Europeo ta llegando un acuerdo tocante un ley cu lo forsa companianan grandi di tecnologia pa controla nan mes mas estrictamente, haciendo e mas facil pa usuarionan reporta problemanan, y empodera reguladornan pa castiga falta di cumplimento cu biyones den boet.
EU oficialnan tabata negociando diabierna tocante e detayenan final di e Digital Services Act, cual lo tin efecto riba e bloke di 27 nacion su reglamento, y cementa su posicion como lider global den e control di poder di companianan di rednan social y otro plataforma digital manera Facebook, Google y Amazon.
E reglanan nobo, cual ta disena pa proteha usuario di internet y “nan derechonan fundamental online,” lo haci cu e companion di tecnologia mester bira responsible pa contenido crea pa usuarionan y amplifica pa nan plataforma su algoritmo.
“DSA ta un cambio den e regulacion tecnologico. E ta e prome intento grandi pa crea reglanan y standard pa sistemanan algoritmico den mercado di media digital,” Ben Scott, ex consehero tecnico di politica pa Hillary Clinton ken awo ta director ehecutivo di grupo Reset.
Na memento cu bay di acuerdo cu esaki, e ley lo mester keda aproba pa e Parlamento Europeo y Conseho Europeo, aunque esaki no ta premira di ta un obstaculo grandi, Te ainda no a dicidi den ki tempo e ley lo dentra den efecto.
Negociantenan tabata spera cu nan lo por yega na un acuerdo prome cu fin di diabierna, prome cu e eleccion na Francia diadomingo. Un gobierno nobo Frances lo por trece posicionnan diferente tocante contenido digital.
Bao di e ley nobo, plataforma di redman social digital manera Facebook y Twitter lo tin cu duna nan usuario hermentnan pa reporta cosnan manera mal informacion di un manera “facil y efectivo” pa asina e por ser removi rapidamente. Mercadonan online manera Amazon lo mester haci esaki pa productonan cu ta dudoso of sospechoso, manera productonan falso of weganan cu no ta sano of sigur pa muchanan.
E sistemanan lo bira standard pa asina e torah di mesun manera riba cualkier plataforma online.
Esaki ta nifica “cualkier autoridad nacional lo tin e habilidad di pidi cu contenido ilegal ta removi, sin importa unda e plataforma ta estableci na Europa,” comisario di EU su mercado Thierry Breton, a bisa riba Twitter.
Companianan cu viola e reglanan aki lo enfrenta boetnan cu lo yega te hasta 6 porciento di nan ganashi anual global, cual pa gigantenan di tecnologia por nifica biyonesd i dollar. Ofensanan cu keda ripiti por resulta den prohibicion di ta den e mercado Europeo.
Europa ta hopi mas adelanta cu Merca den crea regulacion pa gigantenan di tecnologia pa forsa nan proteha hende di contenido danino cu prolifera online.
