(CuraçaoChronicle) – Prijs di gasolin ta bay bolbe aumenta den e siguiente luna. For di dia 26 di april proximo, diesel atrobe ta bay ta 37 cen mas caro cu e tarifa actual. Esaki ta reporta Bureau Telecomunicacion y Post di Corsou den un comunicado di prensa mensual.
Chauffeurnan actualmente ta paga 2.64 florin pa un litro di gasolin. For di proximo diamars, e tarifa ta bay aumenta cu diessiete cen na 2.81 florin. E prijs di diesel ta aumenta di 2.27 florin na 2.64 florin.
Den prome lunanan di 2022, tabatin un aumento fuerte den prijs internacional pa azeta y fuel refina. E aumento di tarifa pa tanto diesel como gasolin ta resultado di e aumento den prijs di compra y e aumento skerpi den e coreccion di e componente surplus/deficit.
E ultimo ta principalmente pa motibo di procesamento di mita di e aumento den e prijs di compra di luna pasa.
Prijs pa electricidad y awa ta keda virtualmente igual. For di dia 1 di mei, consumidornan ta paga 70cen per kiloWatt di electricidad, tres cen mas cu e tarifa na april. For di proximo siman, awa ta bay costa 9.2 florin per meter cubico di awa.
