E Prikichi ta tristo; Aruba ta berdad un bananen repububliek unda tin free for all?

Poco dia pasa nos a observa nos derechonan como ciudadano di e pais aki relaciona cu entidadnan y propiedadnan di Pais Aruba (di nos) ta wordo menasa di wordo expropia (kita for di nos) pa un grupito di hendenan cu no tin escrupulo y ta abusa di e confianza di e pueblo.

Nos por cuminsa na menciona e proyecto di Caribbean Town Houses cu ta wordo propaganda den DIP, sosteni pa e Director Sr. Haime Croes – cu a wordo paga pa su estudio na Hulanda via un contract como director di FCCA, unda e por a biaha bay bin pa atende cu reunion na Aruba y cu tin asina tanto critica contra di su maneho. Rubiano p’e ta na ultimo luga. Por algo cera! Placa por ta? Con esaki por ta posibel? Acaso un Rubiano tambe cu pidi un pida tereno lo haya mesun privilegio, of mester pasa placa bao man pa logra algo asina.

Djis tuma un ehempel di tur e facilidadnan cu nos ta otorga na nos paisanonan bisiña di Venezuela. Proyectonan grandi ta lanta manera paddenstoel y nan ta haya y dobla tur regla cu nos tin ta manipula cu nos leynan paga soborno y sali probecha. E Arubiano si no dobla e regla paso e no ta paga y no kier paga pa algo cu e tin derecho riba dje.

Aki claramente nos por menciona e proyecto di eggfarm cu ta un iniciativa di 5 rRubiano cu te ainda nan no por bin keda cla. Pasobra… tin vinculo directo cu parlamentario y partido. Tristo.

Nos tin conocemento di algun proyecto cu ta stagna na e departamento aki y e splicacion nunca ta duna e claridad. Si nos como yiu di tera no por dicon otronan si por. Nos mester por distingui si entre yiu di tera cu tin rikesa y por logra soborno cerca tur gobierno cu a sinta. Prueba di esaki ta tur e casonan pendiente den corte contra politiconan.

Tristo ta cu nos ministerio publico a duna prijs na ki ora nos ta laga personanan liber di persecucion manera ta e caso di Pristine (Holiday Inn di cual su donjo Lowenstein a Sali ileso di persecucion) Acaso esaki ta un voorteken pa salba tur nos parlamentarionan y ambternaarnan di prison!

Siguiendo mas iregularidad nos a bin ripara cu awor na Tierra del Sol nan ta cera e caminda publico unda abo mester para pa nan saca potret di bo number di auto. Contra privacidad. Mester recorda e desaroyador cu ta maneha e lugar cu e caminda ey ta via publico y bo no por haci esaki. Acaso regla no ta conta pa boso? Unda nos autoridadnan manera City Inspector a keda pa mantene regla. Unda boso ta?

Esaki ta conta tambe pa Gold Coast. Na Aruba e ley no ta permiti pa bo tin un compound cera dus e practica cu esakinan ta haci tambe ta di condena.

Ora cu un Arubiano pidi desaroya, di biaha DIP DOW ta bisa bo cu e caminda ta di Gobierno y bo no por cera e pasada. Dicon pa e proyectonan ariba menciona si esaki ta conta of no tin control. Srs. Boso Actua haci boso trabao stop di ta tuma pueblo haci.

Aki nos mester tin miedo pa represalia politico no solamente di gobernantenan pero tambe di e ambtenaar, paso si bo no ta laga nada cay mi no ta yuda bo.

Unda nos ta bay. Un Gobierno drechi, cu ta respeta principio di bon gobernacion, lo haci su maneho conoci door di publica esaki. Asina tur hende riba e baranca aki sa kico ta e condicionnan cu tin cu cumpli cune pa haya trato igual.

Asina tambe tur acto di despotismo ta keda na cla ora cu desvia di trato igual pa e grupo(nan) selecta.

E columna aki bay sigur wordo publica pa asina denuncia tur noticianan cu ta wordo comete contra nos pueblo. Es mas e siguiente ta sigur e negligencia di e parti pariba di brug door di nos gobernantenan cu ta kere cu Aruba ta Playa.